Жыхары менскага кварталу Кашары — Ляхаўка 1 кастрычніка правялі акцыю ў двары дома, дзе была майстэрня мастака, які зьехаў зь Беларусі з палітычных прычын.
Фатаздымкі жывой галерэі даслаў Свабодзе відавочца.
«Мы хочам, каб Уладзімер Цэсьлер вярнуўся ў Беларусь, дзе б мог спакойна тварыць, а не баяцца за сваё жыцьцё! — тлумачаць акцыю. — Поўная галерэя разгарнулася ў двары майстэрні. Пазьней асобныя працы зьявіліся каля абʼектаў, якія, магчыма, ляглі ў аснову сюжэтаў. Выстава носіць мабільны фармат і цалкам можа зьявіцца на дваровых актыўнасьцях, нядзельных мірных маршах ці іншых пляцоўках краіны. Мастацтва не патрабуе ахвяраў!».
