Лінкі ўнівэрсальнага доступу

Супрацоўніца амбасады ЗША ў Кіеве памерла пасьля зьбіцьця


Украінская чыгунка

Праваахоўныя органы Кіева высьвятляюць акалічнасьці здарэньня з супрацоўніцай амбасады ЗША, якая памерла ў шпіталі ад траўмы галавы, паведамляе Інтэрфакс са спасылкай на паліцыю Ўкраіны.

«У сталічную паліцыю паступіла інфармацыя пра выяўленьне жанчыны з траўмай галавы ў лесапаркавай зоне паблізу чыгуначных шляхоў на вуліцы Талбухіна ў Шаўчэнкаўскім раёне сталіцы», — гаворыцца ў паведамленьні.

Жанчыну ў непрытомным стане шпіталізавалі ў лякарню, дзе яна памерла. Пры аглядзе рэчаў пацярпелай выяўлена пасьведчаньне супрацоўніцы амбасады ЗША на яе імя.

Інтэрфакс прыводзіць паведамленьне інтэрнэт-выданьня «Цензор.Нет», што жанчыну мог зьбіць цягнік, набліжэньня якога яна не пачула.

Але «РИА Новости» ўдакладняе, што да зьбіцьця можа быць датычны мужчына: кароткая стрыжка, цёмныя валасы; на выгляд 30–40 гадоў, ростам пад два мэтры, быў апрануты ў чорныя шорты, цёмна-сінія красоўкі і футболку. Сьледчыя і паліцыянты праводзяць праверку ў шпіталі, дзе памерла жанчына, і на месцы здарэньня, вызначаюць кола сьведак. Меркаванага зламысьніка шукаюць.

Прадстаўнікі ўкраінскай паліцыі таксама паведамілі «РИА Новости», што грамадзянства загінулай яшчэ высьвятляюць. Паводле інфармацыі мясцовых СМІ, яе імя Санвэр Нікаэла.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG