Лінкі ўнівэрсальнага доступу

«Беларускі пратэст — гэта пажар на балоце». Інтэрвію экс-амбасадара Ігара Ляшчэні, які падтрымаў мірныя пратэсты. ВІДЭА


Ігар Ляшчэня
Ігар Ляшчэня

Лукашэнка ў адказ на падтрымку мірных пратэстоўцаў звольніў Ігара Ляшчэню з пасады і пазбавіў рангу Надзвычайнага і Паўнамоцнага Пасла.

Экс-амбасадар Беларусі ў Славаччыне Ігар Ляшчэня расказаў у гутарцы са Свабодай пра тое, як прыняў рашэньне падтрымаць мірныя пратэсты, калі скончацца чысткі ў Міністэрстве замежных спраў, чаму ён і іншыя чыноўнікі не ўвайшлі ў Каардынацыйную раду і навошта ўлады няславяць бел-чырвона-белы сьцяг.

Ігара Ляшчэню звольнілі з пасады Надзвычайнага і Паўнамоцнага Пасла Беларусі ў Славаччыне 24 жніўня — указ падпісаў Аляксандар Лукашэнка.

Раней дыплямат падтрымаў беларусаў, якія выходзілі на акцыі пратэсту ў Менску ды іншых гарадах пасьля прэзыдэнцкіх выбараў.

«Я салідарны з тымі, хто выходзіў на вуліцы гарадоў зь мірнымі шэсьцямі, каб іх голас быў пачуты. Як ураджэнец Жодзіна я з вамі, рабочыя БелАЗу і заводу цяжкіх штамповак», — сказаў ён у адмысловым відэазвароце.

Гэта быў першы амбасадар Беларусі, які падтрымаў пратэстоўцаў. Ігар Ляшчэня адзначыў, што ён быў у шоку ад гісторый пра катаваньні і зьбіцьцё грамадзянаў сваёй краіны.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG