Лінкі ўнівэрсальнага доступу

Беларусы 102 краін падалі пэтыцыю на Лукашэнку ў суд у Гаазе


Акцыя салідарнасьці зь Беларусьсю ў Таронта, Канада, 30 жніўня 2020
Акцыя салідарнасьці зь Беларусьсю ў Таронта, Канада, 30 жніўня 2020

Больш за 37 тысяч беларусаў і прадстаўнікоў іншых народаў з 102 краін сьвету выступілі з пэтыцыяй у Міжнародны крымінальны суд у Гаазе, каб прыцягнуць Аляксандра Лукашэнку да адказнасьці за «захоп улады» і «злачынствы супраць чалавечнасьці».

Пэтыцыя была ініцыяваная 1 верасьня 2020 году дзьвюма арганізацыямі беларусаў у Канадзе: Беларускім канадзкім альянсам (Belarusian Canadian Alliance) і Ініцыятывай беларусаў Таронта «Васількі» (Vasilki Initiative of Belarusians in Toronto).

«Зварот быў створаны як адказ на захоп улады ў Беларусі Аляксандрам Лукашэнкам шляхам фальсыфікацыі выбараў 9 жніўня 2020 г., жорсткага здушэньня мірных пратэстаў, у тым ліку з ужываньнем зброі і масавых рэпрэсій супраць беларусаў», — гаворыцца ў прэс-рэлізе з нагоды пэтыцыі.

«Мы заклікаем Міжнародны крымінальны суд і пракурора спадарыню Фату Бэнсуда ўзбудзіць крымінальную справу супраць былога прэзыдэнта Беларусі за злачынствы супраць чалавецтва», — пішуць аўтары пэтыцыі.

Да пэтыцыі далучаная заява спэцыяльнай дакладчыцы ААН па Беларусі Анаіс Марэн, якую тая зрабіла на дэбатах пра сытуацыю з правамі чалавека ў Беларусі на сэсіі Рады ААН па правах чалавека ў Жэнэве 18 верасьня 2020 г.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG