Падзеі 28 верасьня ў беларускай і сусьветнай гісторыі.
Дзень у гісторыі
1760 — узяцьце Бэрліну расейскімі і аўстрыйскімі войскамі падчас Сямігадовай вайны.
1939 — Гітлераўская Нямеччына і Савецкі Саюз падпісалі дамову аб сяброўстве і супольнай мяжы.
1953 — Мікіта Хрушчоў абраны першым сакратаром ЦК КПСС.
У гэты дзень нарадзіліся
551 да н. э. — Канфуцый, кітайскі філёзаф.
1803 — Праспэр Мэрымэ, францускі пісьменьнік.
1924 — Марчэла Мастраяні, італьянскі кінаактор.
1929 — Дмытро Паўлычка, украінскі паэт, герой Украіны. У 1995 годзе падпісаў ліст украінскіх пісьменьнікаў у абарону беларускай мовы.
1934 — Брыжыт Бардо, француская кінаакторка, актывістка руху абароны правоў жывёлаў, сэкс-сымбаль эўрапейскага кіно 1960-х. Зьнялася ў больш як паўсотні кінакарцінаў.
1938 — Мечыслаў Грыб, беларускі палітык, генэрал-лейтэнант міліцыі. У студзені 1994 году стаў старшынём Вярхоўнага Савету Рэспублікі Беларусь, замяніўшы на гэтай пасадзе Станіслава Шушкевіча. Пад старшыняваньнем Мечыслава Грыба Вярхоўны Савет 15 сакавіка 1994 году прыняў Канстытуцыю Рэспублікі Беларусь.
1944 — Мілаш Зэман, прэзыдэнт Чэскай Рэспублікі.
1962 — Алена Анісім, беларуская мовазнаўца і палітычная дзяячка, старшыня Таварыства беларускай мовы.
У памяці
935 — Вацлаў, чэскі князь, сьвяты (забіты)
1937 — Уладзіслаў Галубок, беларускі пісьменьнік, рэжысэр, актор, тэатральны дзеяч, мастак, заснавальнік Беларускага дзяржаўнага вандроўнага тэатру, народны артыст БССР. Быў рэпрэсаваны ў 1937 годзе.
1970 — Джон Дос Пасас, амэрыканскі пісьменьнік.
1970 — Гамаль Абдэль Насэр, першы прэзыдэнт Эгіпту.
1991 — Майлз Дэвіс, амэрыканскі джазавы музыка.
2016 — Шымон Перэс, 9-ы прэзыдэнт Ізраіля (2007-2014), ляўрэат Нобэлеўскай прэміі міру (1994), ураджэнец Беларусі.