Шматтысячнае шэсьце па праспэкце Незалежнасьці ў раёне парку Чалюскінцаў

Дзясяткі тысяч менчукоў выйшлі на марш пратэсту насуперак затрыманьням. Як прайшоў у Беларусі 50-ы дзень пратэстаў

27 верасень 2020, 12:01 абноўлена 27 верасень 2020, 18:23

Пасьля таемнай інаўгурацыі Аляксандра Лукашэнкі 23 верасьня заклікалі сёньня правесьці народную інаўгурацыю Сьвятланы Ціханоўскай, якую многія лічаць сапраўднай пераможцай выбараў 9 жніўня 2020 году.

18:22 27.9.2020

Дэманстранты ў Менску пачалі разыходзіцца

Частка людзей з калёны, якая дайшла да Нацыянальнай бібліятэкі, рухаецца далей на праспэкце Незалежнасьці, у бок Барысаўскага тракту, частка людзей павярнула на вуліцу Філімонава і Каліноўскага. Людзі пачынаюць разыходзіцца.

Рух па праспэкце Незалежнасьці ад станцыі мэтро «Ўсход» у бок МКАД не перакрыты, людзі працягваюць ісьці па праезнай частцы праспэкта Незалежнасьці ў бок Уручча, адначасова рухаецца і транспарт.

18:29 27.9.2020

Калёна ў Менску дайшла да Ўсходніх могілак

Нягледзячы на тое, што некаторыя разыходзяцца, значная частка людзей з дэманстрацыі пратэсту застаецца на праспэкце Незалежнасьці, пратэстоўцы ўжо дайшлі да Ўсходніх могілак. Людзі занялі палову праезнай часткі, пры гэтым павольна рухаецца і транспарт.

МУС тым часам прызнае затрыманьне «каля 200» пратэстоўцаў па ўсёй краіне. Праваабаронцам вядомыя імёны 92 затрыманых, сьпіс пастаянна дапаўняецца.

18:35 27.9.2020

Шматтысячны менскі марш у фота

Як у Менску прайшоў шматтысячны нядзельны марш. ШМАТ ФОТА

1/39 Задоўга да пачатку маршу ДАІ перакрылі праспэкт Пераможцаў, дзе тэлеграм-канал абвесьцілі пачатак акцыі. Сілавікі пачалі прэвэнтыўныя затрыманьні ў раёне Нямігі, у раёне Палацу спорту

3/39 Мікрааўтобусы зь сілавікамі езьдзілі, папярэджвалі патэнцыйных удзельнікаў маршу, праводзілі дагляд рэчаў людзей

Нягледзчы на затрыманьні, каля тысячы чалавек сабралася ў раёне праспекта Пераможцаў і рушылі з бок стэлы — 5/39 Нягледзчы на затрыманьні, каля тысячы чалавек сабралася ў раёне праспекта Пераможцаў і рушылі з бок стэлы

10/39 Людзі гукаюць: «Жыве Беларусь!». На прыступках стэлы стаяць вайскоўцы, уключылі гучную музыку

Перасоўная ўдарная ўстаноўка падбадзёрвала дэманстрантаў. На пэрфоманс бубначоў можна паглядзець <a href="https://t.me/radiosvaboda/15046" target="_blank">тут</a>. — 14/39 Перасоўная ўдарная ўстаноўка падбадзёрвала дэманстрантаў. На пэрфоманс бубначоў можна паглядзець тут.

15/39 Ад стэлы людзі рушылі па праспэкце Машэрава ў бок цэнтру горада

16/39 Плякатаў у пратэстоўцаў мала, затое шмат нацыянальных сьцягоў і сьцягоў мікрараёнаў. Ёсьць партрэты Ціханоўскай, у тым ліку з подпісам «Сьвета ў канцы тунэлю». Людзі крычаць «Уходи!»

19/39 Калёна павярнула з праспэкту Машэрава на вуліцу Багдановіча

21/39 Дэманстранты праходзяць скрыжаваньне Багдановіча і Харужай

Каля 17.00, паводле Google Maps, Менск быў перакрыты практычна цалкам — 22/39 Каля 17.00, паводле Google Maps, Менск быў перакрыты практычна цалкам

23/39 Марш на ўсю шырыню вуліцы Сурганава

27/39 Людзі запалілі ліхтарыкі на смартфонах на праспэкце Незалежнасьці ў раёне парку Чалюскінцаў

30/39 Праз некалькі сэкунд бел-чырвона-белы сьцяг залунае над праспэктам Незалежнасьці

35/39 Як выглядала шэсце па праспэкце Незалежнасьці з вышыні птушынага палёту

36/39 Частка людзей з калёны, якая дайшла да Нацыянальнай бібліятэкі, пайшла далей у бок Барысаўскага тракту, частка людзей павярнула на вуліцу Філімонава і Каліноўскага. Частка пачала разыходзіцца

Каля гандлёвага цэнтру «Спэктар» ва Ўруччы пачаліся затрыманьні, калі людзі сталі разыходзіцца невялікімі групамі. Байцы АМАП у шаломах і балаклавах правяралі ў людзей торбы і дакумэнты, захоплівалі асобных удзельнікаў — 39/39 Каля гандлёвага цэнтру «Спэктар» ва Ўруччы пачаліся затрыманьні, калі людзі сталі разыходзіцца невялікімі групамі. Байцы АМАП у шаломах і балаклавах правяралі ў людзей торбы і дакумэнты, захоплівалі асобных удзельнікаў

18:48 27.9.2020

Людзей на дэманстрацыі ў Менску паменела

Удзельнікаў менскага маршу пратэсту стала меней: частка людзей пайшла далей у бок мэтро «Ўручча», частка вяртаецца ў цэнтар гораду, іншыя разыходзяцца. Стала цёмна, ідзе дождж. Транспарт па праспэкце Незалежнасьці ідзе па адной паласе, бліжэйшыя станцыі мэтро зачыненыя.

18:56 27.9.2020

Менск: людзі разыходзяцца, ва Ўруччы пачаліся затрыманьні

Калёна дэманстрантаў, пасьля таго як яе пакінула шмат удзельнікаў, дайшла да мэтро «Ўручча». Тут людзі пачалі актыўна разыходзіцца ў розныя бакі, перадае карэспандэнт Свабоды. У Менску стала цёмна, ідзе дождж.

Каля гандлёвага цэнтра «Спэктар» ва Ўруччы пачаліся затрыманьні, калі людзі пачалі разыходзяцца невялікімі групамі. Карэспандэнт Свабоды быў сьведкам некалькіх затрыманьняў. АМАП правярае ў людзей торбы і дакумэнты.

19:14 27.9.2020

Марш пратэсту ў Менску завяршыўся

На станцыі мэтро «Ўручча» калёна разышлася цалкам, паведамляе карэспандэнт Свабоды. Байцы АМАП у шлемах і балаклавах затрымліваюць асобных удзельнікаў.

19:25 27.9.2020

«Ланцуг салідарнасьці» ў Горадні

Каля моладзевага цэнтру «Галяктыка» некалькі чалавек зь бел-чырвона-белымі сьцягамі ўтварылі «ланцуг салідарнасьці». Іх гукамі сыгналаў падтрымлівалі аўтамабілі. Удзень тут брутальна затрымалі дзясяткі чалавек.

20:27 27.9.2020

«Народная інаўгурацыя» ў Пінску

20:29 27.9.2020

Акцыя салідарнасьці зь Беларусьсю за мяжой

20:58 27.9.2020

Праваабаронцам ужо вядомыя прозьвішчы больш як 200 затрыманых на сёньняшніх акцыях

Праваабаронцам «Вясны» ўжо вядомыя прозьвішчы больш як 200 затрыманых у Менску і рэгіёнах падчас сёньняшніх акцый пратэсту. Сьпіс працягвае дапаўняцца.

21:26 27.9.2020

У Гомлі падчас затрыманьня моцна зьбілі фэльчарку Алену Давыдаву

Відавочцы паведамляюць, што фэльчарка з Гомля Алена Давыдава моцна зьбітая. Сёньня яе затрымалі на маршы супрацоўнікі АМАП, завезьлі ў Цэнтральны РАУС.

«Потым у аддзел міліцыі тройчы прыяжджала хуткая дапамога. Толькі што мы стаялі пад Цэнтральным РАУС і ўбачылі, што Алену Давыдаву зноў аднекуль цягнулі ў аддзел супрацоўнікі АМАП. Літаральна цягнулі, яна была практычна ў непрытомным стане», — расказаў валянтэр Ільля Міронаў.

21:43 27.9.2020