Як паведамляе тэлеграм-канал «Белые халаты», 25 верасьня Багдана Шыльнікоўскага выклікалі ў Маскоўскае РУУС Менску дзеля складаньня пратаколу і затрымалі.
Паводле адваката, мэдыка зноў зьбіраюцца адправіць у турму на завулку Акрэсьціна. У яго дыябэт.
12 жніўня Багдана Шыльнікоўскага пасьля акцыі мэдыкаў супраць гвалту пабілі і затрымалі за тое, што нібыта «арганізаваў акцыю і дапамагаў СМІ расстаўляць абсталяваньне». Колішні міністар здароўя Ўладзімер Каранік тады назваў гэта «зрэжысаваным мерапрыемствам».
Багдана трымалі на Акрэсьціна і давялі да крытычнага стану, не даючы інсуліну, пакуль «хуткая дапамога» не забрала яго ў рэанімацыю. У шпіталь ён трапіў ужо ў коме.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў