Лінкі ўнівэрсальнага доступу

У Беларусі другі дзень запар рэгіструюць больш за 300 новых выпадкаў COVID-19, памерлі яшчэ 6 чалавек


Колькасьць пацьверджаных выпадкаў каранавіруснай інфэкцыі COVID-19 у Беларусі дасягнула 77.289 (332 за апошнія содні), памерлі 813 чалавек (+ 6), паведаміла міністэрства здароўя.

Другі дзень запар у краіне рэгіструюць больш за 300 новых выпадкаў COVID-19. Раней такі дзённы прырост (вышэй за 300) новых выпадкаў інфэкцыі фіксавалі 1 ліпеня.

25 верасьня, паводле афіцыйнай статыстыкі, было 306 новых выпадкаў і пяць сьмерцяў.

Міністэрства здароўя адзначае, што з пачатку рэгістрацыі ў краіне COVID-19 паправіліся і выпісаныя 74.046 пацыентаў (121 за апошнія содні).

Міністэрства здароўя зь вясны не публікуе статыстыку колькасьці тых, хто захварэў у абласьцях і Менску, а таксама цяжкіх хворых, падключаных да апаратаў штучнай вэнтыляцыі лёгкіх. Амаль пяць месяцаў міністэрства не праводзіць прэсавых канфэрэнцыяў на гэтую тэму.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG