Лінкі ўнівэрсальнага доступу

Выйшаў на волю былы журналіст з пулу Лукашэнкі, якога пакаралі за ўдзел у акцыі пратэсту


Дзьмітры Семчанка
Дзьмітры Семчанка

Былы кіраўнік журналісцкага пулу Лукашэнкі на тэлеканале АНТ Дзьмітры Семчанка выйшаў на волю 25 верасьня пасьля 15 дзён арышту, піша Tut.by. Два дні журналіст правёў на Акрэсьціна, яшчэ 13 у жодзінскай турме. Семчанку арыштавалі за ўдзел у маршы 16 жніўня.

«Я не баяўся турмы і ў нейкай ступені быў да гэтага гатовы. Не пашкадаваў ні сэкунды аб тым, што зрабіў. Калі разважаць, што лепш: працаваць на цяперашнім АНТ ці сядзець на суках, што скажу, што ўжо лепш суткі», – сказаў Семчанка.

Паводле Семчанкі, яго затрымлівалі супрацоўнікі крымінальнага вышуку: 7 ці 8 чалавек. Чацьвёра зайшлі ў кватэру, астатнія чакалі каля падʼезду. Семчанку адвезьлі ў Фрунзенскі РАУС, не далі патэлефанаваць, паставілі камэру, каб здымаць. Пасьля нібыта зайшоў міліцыянт, які сказаў «Як так, памяняць сваю карʼеру, заробак на вось гэта вось?»

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG