Лінкі ўнівэрсальнага доступу

Выйшаў на волю галоўны рэдактар «Нашай нівы»


Затрыманьне Ягора Марціновіча

Пасьля трох содняў арышту на волю выйшаў галоўны рэдактар «Нашай нівы» Ягор Марціновіч.

Марціновіч напісаў у сваім фэйсбуку, што міліцыю цікавілі два пытаньні:

  1. Колькі Марціновіч заплаціў Сакалоўскаму за інфармацыю, што апошняга біў Барсукоў.

    «Нуль, „Наша Ніва“ ня плаціць героям матэрыялаў, а Сакалоўскага я ня бачыў ніколі ў жыцьці», — напісаў Марціновіч.
  2. «Навошта табе ўсё гэта? Зьехаў бы ў Літву, як Ціханоўская. Няўжо ты такі патрыёт, што гатовы сядзець 15 гадоў за сваю ідэю?»

    «Не хацелася б, вядома, але калі трэба, то трэба. Пазыцыя Калесьнікавай вартая перайманьня», — адказаў Марціновіч.

Раніцай 23 верасьня дадому да Ягора Марціновіча і яго жонкі Адар’і Гуштын, якая працуе журналісткай Tut.by, прыйшлі зь ператрусам супрацоўнікі ўпраўленьня ўласнай бясьпекі МУС.

Ператрус быў ў рамках справы паводле артыкулу аб паклёпе. Пацярпелы ў ёй — намесьнік міністра ўнутраных справаў Аляксандар Барсукоў. Пасьля завяршэньня ператрусу Марціновіча разам зь ягоным адвакатам павезьлі на допыт у Сьледчы камітэт. З кватэры забралі ўсю лічбавую тэхніку, тэлефоны, флэшкі, пашпарты, сім-карты.

Гуштын паведамляла, што яе муж ужо даваў тлумачэньне наконт артыкула пра Барсукова, 23 верасьня ён меў паехаць на азнаямленьне з экспэртызай, але замест гэтага міліцыя прыехала да іх дадому.

У чым падазраюць Ягора Марціновіча

Ягора Марціновіча зьмясьцілі ў ізалятар на завулку Акрэсьціна. Ён у статусе падазраванага паводле артыкула 188 КК (паклёп). Вінаватым у паклёпе можа пагражаць да трох гадоў пазбаўленьня волі, сказаў Свабодзе адвакат Марціновіча Сяргей Іваноў.

17 жніўня «Наша ніва» апублікавала інтэрвію з адным з дыджэяў, якія ўключылі 6 жніўня падчас афіцыйнага мерапрыемства ў Кіеўскім сквэры Менску песьню Віктара Цоя «Перемен». Улад Сакалоўскі расказаў журналістам, што ў ізалятары на Акрэсьціна яго біў чалавек, падобны да намесьніка кіраўніка МУС Аляксандра Барсукова.

У артыкуле адзначалася: на трэці дзень адбыцьця арышту ў карцар, дзе сядзеў Сакалоўскі, прыйшоў нейкі начальнік і ўдарыў яго два разы. «Пасьля выхаду Ўлад Сакалоўскі пазнаў у гэтым начальніку Аляксандра Барсукова, намесьніка Караева. Барсукоў прыяжджаў пад Акрэсьціна ў ноч на 14 жніўня, запэўніваў людзей, што ў камэрах нікога ня б’юць і не катуюць», — пісала выданьне.

Аляксандар Барсукоў на Акрэсьціна, 14 жніўня
Аляксандар Барсукоў на Акрэсьціна, 14 жніўня

Улад Сакалоўскі зьехаў зь Беларусі, бо, як казаў, даставаў пагрозы пасьля публікацыі таго інтэрвію.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG