Лінкі ўнівэрсальнага доступу

Галадаваньне адваката ў СІЗА — беспрэцэдэнты выпадак. Абаронцы Максіма Знака запісалі зварот. ВІДЭА


Максім Знак выступае ў ЦВК пасьля прапановы Лідзіі Ярмошынай не рэгістраваць Віктара Бабарыку, Бабарыка. 14 ліпеня 2020 году.

Чатыры адвакаты палітвязьня Максіма Знака, які ўжо тыдзень трымае галадоўку пратэсту ў СІЗА, запісалі відэазварот.

Абаронцы Знака Дзьмітры Лаеўскі, Надзея Знак, Яўген Пыльчанка і Сяргей Зікрацкі перакананыя, што галадаваньне адваката ў СІЗА, — беспрэцэдэнты выпадак.

Вядомы беларускі адвакат, кандыдат юрыдычных навук Максім Знак летам гэтага году надаваў юрыдычную дапамогу Віктару Бабарыку і Сьвятлане Ціханоўскай. Ён падаваў заяву ў ЦВК на рэгістрацыю кандыдатам ад імя Віктара Бабарыкі, калі той ужо быў зьнявоолены, ён падаваў у Вярхоўны суд аб непрызнаньні вынікаў выбараў 9 жніўня ад імя Сьвятланы Ціханоўскай.

Максіма Знака затрымалі 9 верасьня, ён знаходзіцца ў СІЗА № 1 Менску. 18 верасьня яму выставілі абвінавачваньне паводле ч. 3 арт. 361 (заклікі да дзеяньняў, накіраваных на прычыненьне шкоды нацыянальнай бясьпецы Рэспублікі Беларусь) Крымінальнага кодэксу. У знак нязгоды з абвінавачаньнямі адвакат абвясьціў галадоўку.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG