Лінкі ўнівэрсальнага доступу

Зяленскі пра палітычны крызіс у Беларусі: Эўропу чакаюць сотні тысяч уцекачоў


Уладзімір Зяленскі
Уладзімір Зяленскі

Прэзыдэнт Украіны Ўладзімір Зяленскі прагназуе вялікую міграцыйную хвалю ў эўрапейскія краіны ў выпадку абвастрэньня палітычнага крызісу ў Беларусі.

«Крызіс закранае ня толькі суседнія зь Беларусьсю краіны. Падзеі там ужо маюць наступствы для Эўропы. Мы бачым, што ўзьнік найбольшы за ўсе гады незалежнасьці Беларусі палітычны крызіс. Гэта таксама зьвязана з эканамічнымі і сацыяльнымі крызісамі, якія насьпелі і маюць наступствы. Калі сцэнар будзе адмоўным, гэта будзе азначаць як мінімум сотні тысяч уцекачоў зь Беларусі ў эўрапейскія краіны», — сказаў Уладзімір Зяленскі ў інтэрвію славацкаму эканамічнаму выданьню Hospodárske noviny.

Прэзыдэнт Украіны дадаў, што толькі новыя сумленныя выбары дазволяць пераадолець крызіс у Беларусі:

«Калі кандыдаты ўпэўненыя ў перамозе, тады няма чаго баяцца чарговых выбараў. Такімі мусяць быць дзеяньні ўлады, якая не баіцца свайго народу. Я таксама падкрэсьліваю, што павінен быць дыялёг з грамадзтвам, трэба пазьбягаць гвалту. Гэта дзеяньні ўлады, якая клапоціцца пра свой народ».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG