Карэспандэнты Свабоды перадаюць з цэнтра Менска: галоўныя плошчы і стратэгічныя аб’екты аточаныя спэцтэхнікай і ўзброенымі сілавікамі.
Кастрычніцкая плошча па ўсім пэрымэтры абнесеная мэталічнай агароджай, за якой групамі стаяць дзясяткі экіпаваных байцоў унутраных войскаў з аўтаматамі.
Тэрыторыя вакол Стэлы і музэя айчыннай вайны традыцыйна ўмацаваная ня толькі агароджай, але і калючым дротам. «Гэта сьвятое месца», — яшчэ ў жніўні патлумачыў міністар абароны Віктар Хрэнін.
На вуліцы Сапёраў пэрпэндыкулярна праспэкту Пераможцаў сканцэнтраваная спэцтэхніка розных відаў. Бадай, упершыню выведзеныя пазадарожнікі «Тыгр» з гарматамі на дахах.
Таксама тут машыны, загружаныя тубамі калючага дроту, аўтазакі і аўтобусы з асабовым складам, хуткія дапамогі, з вокнаў якіх бачныя мэталічныя шчыты.
На подступах да Палацу незалежнасьці стаіць бронетэхніка і спэцмашыны клясу «Рубеж» з сеткамі-агароджамі.
