Лінкі ўнівэрсальнага доступу

Унучкі Лукашэнкі будуць вучыцца ў прыватнай школе


Унучкі Аляксандра Лукашэнкі Дар'я і Анастасія

На мінулым тыдні СМІ паведамілі, што, што Мікалай Лукашэнка і дзьве ўнучкі кіраўніка краіны Анастасія і Дар’я сышлі зь ліцэя БДУ.

Сын кіраўніка краіны Дзьмітры Лукашэнка расказаў «Спутнику»:

«Напэўна, ні для кога ўжо не сакрэт, усе тры мае дочкі вучацца і будуць вучыцца ў школе, якая знаходзіцца каля Драздоў — Менская міжнародная гімназія. Малодшая пайшла ў першую клясу (сёлета), сярэдняя і старэйшая таксама праходзяць там навучаньне», — паведаміў кіраўнік прэзыдэнцкага спартовага клюбу Дзьмітры Лукашэнка.

Маладога чалавека, вельмі падобнага да Мікалая Лукашэнкі, убачылі нядаўна каля гэтай школы карэспандэнты TUT.BY.

Гэтую школу ў Драздах пабудавала кампанія расейскага алігарха Міхаіла Гуцырыева. Яна зарэгістраваная на кіпрскую афшорную кампанію «Блатбэрг Холдынгс Лімітэд».

У жніўні тагачасны старшыня Менгарвыканкаму Анатоль Сівак паведаміў, што летась 880 навучэнцаў атрымлівалі ў сталіцы агульную сярэднюю адукацыю ў 12 прыватных установах. У цяперашні час колькасьць такіх навучальных устаноў складае 18. Толькі чатыры зь іх, паводле Сівака, прайшлі адпаведную акрэдытацыю. «Сытуацыю трэба браць пад кантроль», — заявіў тады Сівак, якога 3 верасьня Лукашэнка прызначыў віцэ-прэм’ерам.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG