Лінкі ўнівэрсальнага доступу

Літва і Польшча спыняць пропуск на захад грузаў у выпадку закрыцьця мяжы з боку Беларусі 


Сьвятлана Ціханоўская і Саўлюс Сквярняліс
Сьвятлана Ціханоўская і Саўлюс Сквярняліс

Літва і Польшча дадуць люстраны адказ у выпадку закрыцьця мяжы з боку Беларусі і спыняць пропуск на Захад грузаў, папярэдзіў літоўскі прэм’ер Саўлюс Сквярняліс.

«Калі будуць зь іх боку такія крокі, то адказ будзе адэкватным, — сказаў кіраўнік ураду літоўскім журналістам. — З гэтай краіны проста ня змогуць выехаць грузавыя аўтамабілі — ні празь Літву, ні праз Польшчу. Гэта будзе яшчэ адным ударам па эканоміцы, якая і так цяжка хворая».

Саўлюс Сквярняліс падкрэсьліў, што пасьля заяваў Аляксандра Лукашэнкі аб закрыцьці межаў пакуль ніякіх рэальных дзеяньняў суседняя краіна не распачала.

Лукашэнка напярэдадні заявіў, што Беларусь закрывае мяжу з Польшчай і Літвой і ўзмацняе ахову дзяржаўнай мяжы з Украінай, а таксама дадаў, што «палова арміі» накіроўваецца на ахову заходніх межаў.

Камандуючы Службы аховы дзяржаўнай мяжы Літвы Рустам Любаеў паведаміў, што цяпер рух на памежных пунктах зь Беларусьсю ажыцьцяўляецца ў звычайным парадку.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG