Лінкі ўнівэрсальнага доступу

«Адказнасьць нясе найвышэйшае кіраўніцтва Беларусі». Заклік дырэктара Ўсясьветнай арганізацыі супраць катаваньняў


Ізалятар часовага утрыманьня на завулку Акрэсьціна

Генэральны сакратар Усясьветнай арганізацыі супраць катаваньняў Джэральд Стэйброк заклікаў даць ацэнку дзеяньням рэжыму Лукашэнкі.

— Зафіксавана больш за 500 выпадкаў катаваньняў. Магчыма, іх нават больш, гэта тыя людзі, якія расказалі свае гісторыі. Тое, што адбывалася пасьля выбараў — гэта сыстэматычныя, заплянаваныя катаваньні, учыненыя дзяржавай. Размова не ідзе пра асобны гнілы яблык у сыстэме. Мы бачым сплянаваны, арганізаваны гвалт, можна казаць пра палітыку брутальнасьці.

У міжнародным праве гэта называецца злачынствамі супраць чалавечнасьці. І гэта патрабуе міжнароднай увагі. Зараз беларуская дзяржава цалкам адмаўляе тое, што адбылося. Яны зьмянілі тактыку, але адмаўляюць гэта. Па ніводнай з гэтых спраў не вядзецца расьсьледаваньне, ахвяры гвалту зазнаюць рэпрэсіі за ўдзел у нібыта незаконных дэманстрацыях, атрымліваючы за гэта сур’ёзнае пакараньне. Тое, што адбываецца ў Беларусі, — гэта крызіс правоў чалавека. Сьвет мае магчымасьць на яго адрэагаваць, узьняўшы пытаньне ў Радзе ААН па правах чалавека.

Катаваньні адбываюцца таму, што ёсьць плян, што ёсьць загады, таму што людзі праяўляюць вынаходлівасьць у жорсткасьці. І паколькі гэта адбываецца беспакарана, можна казаць пра тое, што адказнасьць за гэта зь юрыдычнага пункту гледжаньня нясе вышэйшае кіраўніцтва краіны. Часам мне здаецца, што лічбы і інфармацыя аб катаваньнях гучаць вельмі абстрактна. Але пакуты людзей у рэальнасьці застануцца зь імі на ўсё жыцьцё. Катаваньні застануцца на ўсё жыцьцё, гэта ня толькі фізычная траўма ці зьнявага. Гэта траўмуе ўсё грамадзтва. Ахвяры маюць патрэбу ў правасудзьдзі, у прызнаньні, каб ізноў вярнуцца да жыцьця. Гэта шнары на ўсім беларускім грамадзтве. І калі не пачаць іх лячыць зараз, то ў будучыні гэта будзе вельмі цяжка.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG