Бронзавы помнік сьвятому Губэрту зьявіўся на рагу вуліц Савецкай і Кастрычніцкай 17 верасьня. На гранітным пастамэнце стаіць сьвяты Губэрт, а побач зь ім — алень з крыжам на галаве. Аўтар скульптуры — Уладзімер Панцялееў. Фігуру паставілі да Дня гораду.
Сьвяты Губэрт — каталіцкі сьвяты, які памёр у VIII стагодзьдзі, заступнік паляўнічых. Паводле легенды, аднойчы сьвяты Губэрт падчас прагулкі ў лесе ўбачыў аленя з залатым крыжам паміж рагамі. Алень сьвятога Губэрта выяўлены на гербе Горадні з XVI стагодзьдзя.
