Лінкі ўнівэрсальнага доступу

Прэзыдэнтка Славаччыны патэлефанавала Сьвятлане Алексіевіч


Зузана Чапутава адразу пасьля перамогі на прэзыдэнцкіх выбарах у Славаччыне, 30 сакавіка 2019

Прэзыдэнтка Славаччыны Зузана Чапутава патэлефанавала ляўрэатцы Нобэлеўскай прэміі па літаратуры, сябру Каардынацыйнай рады Сьвятлане Алексіевіч.

«Паразмаўлялі са Сьвятланай Алексіевіч — адважнай жанчынай, якая выступае ў абарону свабоды і дэмакратыі для жыхароў Беларусі. Я выказала салідарнасьць і падтрымку ўсім, хто заклікае да свабодных і сумленных выбараў. Мая павага мірнаму пратэсту і сапраўднаму жаданьню жыць свабодна і годна», — напісала Зузана Чапутава ў Твітэры.

Чапутава не належыць да традыцыйнай палітычнай эліты. Юрыстка паводле адукацыі і грамадзкая актывістка, летась у сакавіку яна набрала ў другім туры прэзыдэнцкіх выбараў каля 60% галасоў і стала пятым прэзыдэнтам незалежнай Славацкай рэспублікі — і першай жанчынай на гэтай пасадзе.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG