Аўтар «Прессбола» Сяргей Шчурко сёньня ад гадзіны дня перастаў выходзіць на сувязь.
«Прессбол» паведаміў са словаў Вольгі Хіжынковай, былой прэсавай сакратаркі ФК «Дынама-Берасьце», што журналіст пасьпеў напісаць, што да яго едуць на размову супрацоўнікі міліцыі, пасьля чаго тэлефон перастаў адказваць.
Абноўлена: Спартовага журналіста Сяргея Шчурко асудзілі на 15 сутак. Гэтую інфармацыю Свабодзе пацьвердзілі ў Першамайскім РУУС.
Увечары 14 верасьня, як паведаміла «Наша ніва», стала вядома, што Шчурко на Акрэсьціна. Пакуль невядома, у чым яго абвінавачваюць.
