Лінкі ўнівэрсальнага доступу

«Тут выхоўваюцца сапраўдныя патрыёты». Лукашэнка павіншаваў з 30-годзьдзем піянэрскую арганізацыю


Аляксандар Лукашэнка павіншаваў з 30-годзьдзем беларускую піянэрскую арганізацыю.

«Тут выхоўваюцца сапраўдныя патрыёты нашай роднай Беларусі, якія гатовыя быць першымі ў вучобе, спорце, культуры і мастацтве, прыйсьці на дапамогу тым, хто мае ў ёй патрэбу», — гаворыцца ў віншаваньні.

Лукашэнка адзначыў, што ў краіне створаныя ўсе ўмовы для самарэалізацыі дзяцей і моладзі, паведаміла БелТА.

Піянэрскія арганізацыі на дзяржаўным узроўні існуюць, апроч Беларусі, у Вэнэсуэле, Лаосе, Віетнаме, Паўночнай Карэі, Кітаі і на Кубе.

На беларускай тэрыторыі піянэрская арганізацыя зьявілася ў часы СССР, у 1922 годзе. У верасьні 1991 году, пасьля забароны Камуністычнай партыі Савецкага Саюзу, савецкая піянэрыя спыніла існаваньне.

Беларуская піянэрская арганізацыя вядзе адлік сваёй гісторыі з 13 верасьня 1990 году, калі яна заявіла пра самастойнасьць ад піянэрыі СССР.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG