12 верасьня ў Менску праходзіць чарговая жаночая акцыя. Каля 15-й гадзіны некалькі тысяч жанчын сабраліся перад Ратушай. Акцыя пачалася з затрыманьняў.
Хутка на плошчу Свабоды пад’ехалі мікрааўтобусы з танаванымі шыбамі і 5 аўтазакаў, сілавікі пачалі жорстка затрымліваць жанчын: некаторых валаклі па зямлі.
Прыкладна за 20 хвілінаў плошчу Свабоды амаль цалкам «зачысьцілі». Частка жанчын змагла ўцячы. Мяркуецца, што затрыманыя сотні жанчын. Сілавікі некаторы час працягвалі шукаць жанчын у дварах, журналістаў адціснулі з плошчы.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў