Пра гэта паведаміла Свабодзе Дзяржаўная памежная служба Ўкраіны.
УЖЫВУЮ Месяц пратэстаў. Калесьнікава на Валадарскага. Ціханоўская ў Варшаве. Знака затрымалі. Ператрусы ў Каардынацыйнай радзе
Памежнікі Ўкраіны цягам апошняга часу перадалі ў міграцыйную службу 15 зваротаў ад грамадзян Беларусі па атрыманьне абароны ад перасьледу на радзіме.
Як паведамілі Свабодзе ў прэсавай службе Дзяржаўнай памежнай службы Ўкраіны, сёньня з аналягічнай просьбай у пункце пропуску ў Чарнігаўскай вобласьці да памежнікаў зьвярнулася яшчэ адна беларуская сям’я — муж і жонка зь дзецьмі.
«Мужчына паведаміў, што ўжо пэўны час на іх ціснулі праваахоўныя органы Беларусі. Аднак з краіны яны вырашылі выехаць, бо супраць яго нядаўна завялі надуманую крымінальную справу, зьвязаную з хабарніцтвам», — удакладнілі памежнікі.
Адпаведны зварот з просьбай аб абароне ўкраінскай дзяржавы памежнікі накіравалі для разгляду ў Дзяржаўную міграцыйную службу Ўкраіны.
