Лінкі ўнівэрсальнага доступу

Беларускія памежнікі паведамілі, што пакуль не адпусьцілі Калесьнікаву


Беларускія памежнікі паведамілі расейскаму інфармацыйнаму агенцтву «РИА Новости», што пакуль не адпусьцілі Марыю Калесьнікаву, «разбор па ранішнім інцыдэнце працягваецца».

7 верасьня СМІ са спасылкай на відавочцаў паведамілі, што Калесьнікаву невядомыя людзі каля Нацыянальнага мастацкага музэю пасадзілі ў мікрааўтобус з надпісам «Сувязь» і павезьлі ў невядомым кірунку. У МУС Беларусі 7 верасьня Свабодзе адказалі, што не валодаюць інфармацыяй аб яе затрыманьні.

7 верасьня таксама зьнікла сувязь і з выканаўчым сакратаром Каардынацыйнай рады Іванам Краўцовым.

З раніцы 8 верасьня стала вядома, што сябры Каардынацыйнай рады Антон Раднянкоў і Іван Краўцоў выехалі ва Ўкраіну. Марыю Калесьнікаву затрымалі на мяжы.

Агенцтва «Інтэрфакс-Украіна» з спасылкай на інфармаваную крыніцу паведаміла, што Марыя Калесьнікава не перасекла мяжу Ўкраіны, бо пры спробе гвалтоўна вывезьці яе з тэрыторыі Беларусі парвала свой пашпарт.

Намесьнік міністра ўнутраных спраў Украіны Антон Герашчанка заявіў, што выезд сяброў Каардынацыйнай рады Антона Раднянкова і Івана Краўцова ня быў добраахвотны: «Гэта было прымусовае выгнаньне з роднай краіны».

Дзяржаўны памежны камітэт, які пацьвердзіў затрыманьне, не паведаміў, на якіх падставах затрымалі Калесьнікаву.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG