Лінкі ўнівэрсальнага доступу

Каардынацыйная рада паскардзіцца на дзеяньні сілавікоў у Сьледчы камітэт


Прэсавая канфэрэнцыя Каардынацыйнай рады, 18 жніўня 2020. Усе, акрамя юрыста Максіма Знака (другі справа), цяпер альбо за кратамі, альбо па-за Беларусьсю. Дзе Марыя Калесьнікава, невядома
Прэсавая канфэрэнцыя Каардынацыйнай рады, 18 жніўня 2020. Усе, акрамя юрыста Максіма Знака (другі справа), цяпер альбо за кратамі, альбо па-за Беларусьсю. Дзе Марыя Калесьнікава, невядома

Сябры Каардынацыйнай рады пададуць заяву ў Сьледчы камітэт на дзеяньні супрацоўнікаў праваахоўных органаў 6 верасьня падчас «Маршу адзінства», гаворыцца на сайце арганізацыі.

«Асаблівая ўвага ў заяве зьвяртаецца на дзеяньні групы невядомых асобаў увечары ў Менску ў раёне дома 3 па праспэкце Пераможцаў. Дадзеныя асобы не насілі форменнай вопраткі і знакаў адрозьненьня, закрылі свае твары маскамі для ўскладненьня ідэнтыфікацыі, не прадстаўляліся і не прад’яўлялі дакумэнтаў, затое адкрыта дэманстравалі розную зброю падчас мірнай акцыі і без абвяшчэньня якіх-небудзь патрабаваньняў ужывалі спэцсродкі, зьбівалі грамадзян», — гаворыцца ў дакумэнце.

Прадстаўнікі Рады са спасылкай на прэс-сакратара МУС Вольгу Чамаданаву кажуць, што гэта былі супрацоўнікі праваахоўных органаў. Кіраваў імі начальнік Галоўнага ўпраўленьня па барацьбе з арганізаванай злачыннасьцю і карупцыяй МУС Мікалай Карпянкоў, які асабіста разьбіваў шкляныя дзьверы ў кавярні.

У Радзе лічаць важным разабрацца, зь якой мэтай былі аддадзеныя злачынныя загады — каб пакараць за грамадзянскую пазыцыю, каб застрашыць насельніцтва ці каб справакаваць у адказ неправамерную рэакцыю: у залежнасьці ад мэты наступае дадатковая адказнасьць.

Каардынацыйная рада таксама патрабуе расьсьледаваць усе злачынствы ў дачыненьні да ўдзельнікаў акцыяў, пачынаючы ад 9 жніўня, а таксама спыніць рэпрэсіі і даць гарантыі вольнага вяртаньня ў краіну чальцоў Рады Вольгі Кавальковай, Паўла Латушкі і экс-кандыдата ў прэзыдэнты Сьвятланы Ціханоўскай.

Раней Ціханоўская заяўляла, што «рэжым займаецца тэрорам», а выкраданьне чальцоў Рады Марыі Калесьнікавай, Антона Раднянкова і Івана Краўцова — спроба сарваць працу Каардынацыйнай рады.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG