Лінкі ўнівэрсальнага доступу

Патрыярх Кірыл патлумачыў, чаму беларускі экзархат узначаліў беларус


Патрыярх Расейскай праваслаўнай царквы Кірыл

Патрыярх Расейскай праваслаўнай царквы Кірыл патлумачыў, чаму на чале беларускага экзархату будзе беларус.

«Цяпер нацыянальны фактар у Беларусі набывае ўсё больш і больш палітычную ролю. І таму, вядома ж, мы прыйшлі да высновы пра неабходнасьць, каб сёньня на чале беларускай царквы быў чалавек, які нарадзіўся ў Беларусі, ведае беларускую мову, выгадаваны ў беларускім асяродзьдзі. Каб нават для тых, хто імкнецца ў нашай царкве пабачыць нешта іншароднае ў адносінах да Беларусі, беларускай культуры і беларускага жыцьця, каб на прыкладзе ачольніка беларускай царквы, кіраўніка экзархату бачылі чалавека плоцьцю ад плоці, косьцю ад косьці свайго народу».

6 верасьня ў Маскве ўзьвялі ў сан новага кіраўніка Беларускага экзархату РПЦ Веньяміна. Былы япіскап Барысаўскі і Мар’інагорскі Веньямін быў прызначаны на пасад мітрапаліта Менскага і Заслаўскага, патрыяршага экзарха ўсяе Беларусі рашэньнем Сьвятога Сіноду 25 жніўня. На тым жа паседжаньні было вырашана вызваліць ранейшага мітрапаліта Менскага і Заслаўскага Паўла ад кіраваньня Беларускім экзархатам з вынясеньнем падзякі.

Пасьля прэзыдэнцкіх выбараў мітрапаліт Павал заявіў на сустрэчы зь вернікамі, што шкадуе пра заўчаснае віншаваньне Аляксандра Лукашэнкі зь перамогай, а 17 жніўня ён наведаў зьбітых АМАПам пратэстоўцаў у лякарні хуткай мэдычнай дапамогі ў Менску.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG