Лінкі ўнівэрсальнага доступу

МУС заявіла, што перакрые праспэкты ў Менску падчас дэманстрацыі пратэсту


Міністэрства ўнутраных спраў Беларусі папярэдзіла пра захады дзеля недапушчэньня ў Менску «супрацьпраўных дзеяньняў з боку пратэстоўцаў».

«Супрацоўнікі міліцыі нясуць службу ва ўзмоцненым рэжыме. Для бясьпекі грамадзянаў павялічаная колькасьць нарадаў і вайскоўцаў. Дадаткова задзейнічана спэцтэхніка міліцыі і ўнутраных войскаў МУС. На працягу дня будуць перакрытыя праспэкты горада», — заявілі ў ведамстве.

Гаворыцца, што супрацоўнікі міліцыі прымуць «усе неабходныя меры для спыненьня акцый і недапушчэньня парушэньняў грамадзкага парадку».

6 верасьня ў Менску заплянаваны чарговы марш прыхільнікаў пераменаў. Відавочцы паведамляюць, што сілавікі ўжо ачапілі Кастрычніцкую плошчу і плошчу Незалежнасьці.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG