Затрыманыя на «Маршы адзінства». Сьпіс ад праваабаронцаў «Вясны»
6 верасьня ў Менску і рэгіёнах адбываецца «Марш адзінства». Праваабаронцам «Вясны» паведамляюць пра затрыманьні ўдзельнікаў.
З розных крыніцаў паведамляюць пра праблемы з мабільным інтэрнэтам у Менску, або нават поўную адсутнасьць сувязі праз 3G. Але канал За BYnet адзначае, што сувязь праз 2G працуе нармальна.
Перашкодамі і разгонам масавых акцыяў улады нічога не дасягнуць
Піша аглядальнік Свабоды Сяргей Навумчык
Калючы дрот, шыхты амапаўцаў і ўнутраных войскаў на падыходзе да цэнтру Менску, вялізная колькасьць спэцтэхнікі — сьведчаць пра тое, што ўлады вырашылі сёньня не дапусьціць фармаваньня адзінай статысячнай калёны пратэстоўцаў, якая магла б, як гэты было ў папярэднія выходныя, уразіць міжнародную супольнасьць і чарговы раз паказаць, што Лукашэнку не ўдалося спыніць масавыя пратэсты.
Аднак эфэкт ад такіх намаганьняў будзе мізэрны: для дэмакратычнага Захаду важны сам факт працягу пратэстаў, а найбольшае ўражаньне на сьвет зрабілі ня вулічныя шэсьці, а масавыя катаваньні мірных людзей, якія праваабаронцы ўжо аднесьлі да катэгорыя злачынстваў супраць чалавечнасьці.
Што датычыць самой Беларусі, дык у Менску актыўнасьць перанеслася ў мікрараёны і ў двары, дзе штодзённыя вечаровыя зборкі сотняў людзей набылі абрысы ўнікальнай формы грамадзянскай салідарнасьці, супраць якой АМАП абсалютна бясьсільны, лічыць аглядальнік Свабоды Сяргей Навумчык
Менск. Від на праспэкт Пераможцаў і вуліцу Леніна з вышыні
Горадня. Савецкая плошча
Разгон і затрыманьні ў каля Партызанскага праспэкту
Некалькі сотняў чалавек ішлі па Партызанскім праспэкце.
У раёне мотавэлязавода іх спынілі сілавікі ў форме і са шчытамі. Дэманстранты павярнуліся, пайшлі назад, затым павярнулі на вуліцу Алега Кашавога і накіраваліся да станцыі мэтро «Трактарны завод».
Каля 14-й гадзіны сілавікі адціснулі іх на вуліцу Чабатарова. Частку людзей заціснулі ў кальцо, астатнія разьбегліся па дварах. Пасьля гэтага пачаліся затрыманьні.
Карэспандэнт БелаПАН быў сьведкам як мінімум трох затрыманьняў. Затрыманых завялі ў мікрааўтобусы без нумароў.
Тэлеграм-каналы пішуць пра пацярпелых ад зьбіцьця і машыны хуткай дапамогі на месцы.
У Менску людзі ідуць ў бок плошчы Незалежнасьці
У Магілёве ў адказ на пагрозы міліцыянтаў людзі водзяць карагод вакол атракцыёнаў
Як цяпер выглядае скрыжаваньне вуліцы Кірава і Леніна ў Менску
Каля музычнага тэатру людзі скандуюць «Лукашэнку — у аўтазак!»
На Кастрычніцкай плошчы — вайскоўцы пад чырвона-зялёнымі сьцягамі.
Побач з плошчай перакрылі рух, зачыніліся крамы.
На Кастрычніцкую плошчу з боку плошчы Перамогі падымаецца калёна маршу ў некалькі тысяч чалавек. Каля цырку на праспэкце аўтамабілі ДПС перакрылі аўтамабільны рух.
Каля Нацбанку зьявілася калёна спэцтэхнікі: вадамёты, зялёныя МАЗы, сыстэма «Рубеж». Ёсьць салдаты ўнутраных войскаў. Удзельнікі маршу сыходзяць у бок Нямігі
У Магілёве міліцыя не дае людзям сабрацца на «Марш адзінства»
Каля Палаца Незалежнасьці стаіць вайсковая тэхніка
Праспэкт каля Нацыянальнага банку перакрылі амапаўцы
Горадня. АМАП затрымлівае людзей каля дзіцячага шпіталя
Гомель. Пачаўся «Марш еднасьці». Калёна ідзе па цэнтры гораду
Кастрычніцкую плошчу гэтым разам абгарадзілі калючым дротам і міліцэйскімі загарадкамі, а ня плястыкавымі адбойнікамі, як мінулай нядзеляй. Уздоўж агароджы паставілі вайскоўцаў у масках
Вялікая калёна на вуліцы Леніна
Паўгадзіны таму за кілямэтар адсюль на Партызанскім праспэкце АМАП ня даў прайсьці калёне, якая ішла з Заводзкага раёну.
У Менску людзей не пускаюць на плошчу Незалежнасьці
Калёна студэнтаў-мэдыкаў і лекараў рухаецца ад Грушаўкі ў цэнтар Менску