Лінкі ўнівэрсальнага доступу

Каля беларускага пасольства ў Кіеве адзначылі Дзень беларускай вайсковай славы. ФОТА


Кіеў
Кіеў

Беларускія і ўкраінскія актывісты прыйшлі да амбасады Беларусі ў Кіеве, каб выказаць салідарнасьць зь беларускім народам і адсьвяткаваць Дзень беларускай вайсковай славы.

Ён адзначаецца 8 верасьня ў гонар перамогі аб'яднаных войскаў Вялікага Княства Літоўскага над утрая большым войскам Маскоўскай дзяржавы пад Воршай у 1514 годзе.

Акцыя праходзіла пад бел-чырвона-белымі сьцягамі. Актывісты заклікалі ўладу Беларусі вызваліць палітвязьняў і спыніць гвалт і перасьлед удзельнікаў пратэстаў. Цягам усёй акцыі машыны, якія праяжджалі каля беларускай амбасады, сыгналамі выказвалі сваю падтрымку пратэстоўцам.

Беларуская сьпявачка Анастасія Шпакоўская, якая вымушаная была зьехаць зь Беларусі ва Ўкраіну, падзякавала тым беларусам, якія штодзень выходзяць на акцыі пратэсту ва ўсіх беларускіх гарадах. «Мы павінны кожнага і ўсіх іх падтрымаць», — сказала яна.

Удзельнікі акцыі трымалі ў руках партрэты беларусаў, якія загінулі падчас пратэстаў.

Пасьля невялікага веча ўдзельнікі акцыі асьвятлілі будынак беларускай амбасады ў колерах нацыянальнага сьцяга.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG