Жыхарка Жлобіна Вольга Сныткова заўважыла на брамцы свайго недабудаванага дому бутэльку з бэнзінам, абкручаную паперай і размаляваную нацысцкай сымболікай на бела-чырвоным фоне.
«Я расцэньваю гэта як пагрозы мне і маёй сям’і», — сказала яна.
Паводле Вольгі, міліцыя не змагла знайсьці на бутэльцы адбіткаў пальцаў. «Нехта добра падрыхтаваўся», — лічыць яна.
Цяпер Вольга Сныткова непакоіцца пра бясьпеку сваёй сям’і, і асабліва малога дзіцяці.
На «ланцугі салідарнасьці» Вольга пачала выходзіць пасьля таго, як убачыла фота і відэа, як зьбівалі людзей пасьля выбараў. 14 жніўня яна была на плошчы, калі жыхары Жлобіна пыталіся ў прадстаўнікоў улады пра гвалт над людзьмі.