Лінкі ўнівэрсальнага доступу

Кіраўнік МЗС Нямеччыны: Калі Лукашэнка не адрэагуе на патрабаваньні Эўразьвязу, то санкцыі супраць Менску пашырацца


Гайка Маас

Пра гэта 5 верасьня заявіў міністар замежных справаў Нямеччыны Гайка Маас.

«Як Эўразьвяз, мы не прызнаем выбары (у Беларусі. — РС) і прынялі рашэньне аб санкцыях. Цяпер мы гэта рэалізуем. Калі Лукашэнка не адрэагуе, будуць дадатковыя санкцыі», — сказаў Маас выданьню Bild am Sonntag.

Кіраўнік замежнапалітычнага ведамства Нямеччыны падкрэсьліў, што Лукашэнка павінен «нарэшце быць гатовы да дыялёгу», і дадаў:

«Я патрабую, каб Лукашэнка правёў перамовы з апазыцыяй, паўтарыў выбары, спыніў неадкладна затрыманьні і жорсткае абыходжаньне зь мірнымі дэманстрантамі, каб ён паважаў правы чалавека і свабоду прэсы».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG