Лінкі ўнівэрсальнага доступу

Каардынацыйная рада спрабавала зьвязацца з паслом Расеі, але безвынікова


Марыя Калесьнікава
Марыя Калесьнікава

Каардынацыйная рада для ўрэгуляваньня палітычнага крызісу ў Беларусі спрабавала зьвязацца з паслом Расеі Дзьмітрыем Мезенцавым, каб данесьці сваю пазыцыю, але адказу пакуль не атрымала. Пра гэта прадстаўніца Рады Марыя Калесьнікава расказала ў эфіры радыёстанцыі «Эхо Москвы».

«Мы некалькі разоў рабілі спробы зьвязацца з паслом РФ у Беларусі. Мы пакуль не атрымалі ніякага адказу. Але мы чакаем». Яна дадала, што мае інфармацыю, што «нашыя пасланьні дайшлі і неўзабаве будзе адказ».

Што да магчымага «абмену» Лукашэнкам сувэрэнітэту на ўладу, Калесьнікава сказала:

«Ён абавязаны весьці перамовы з намі, зь беларусамі, а ня з Пуціным. Мы на гэтым настойваем. Ён абавязаны весьці перамовы з сваім народам. Ён абавязаны выконваць патрабаваньні свайго народу. Ён аслаб не таму, што мы яго аслабілі. У той момант, калі ён начапіў на сябе аўтамат, атачыў сябе амапаўцамі і калючым дротам — увесь сьвет пабачыў, што ён аслаб».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG