Лінкі ўнівэрсальнага доступу

МЗС Польшчы заявіла, што прыезд Латушкі на польскую тэрыторыю быў легальным


Павал Латушка. 26 жніўня 2020 году.

Міністэрства замежных спраў Польшчы абвергла паведамленьні аб нібыта незаконным перасячэньні беларуска-польскай мяжы сябрам Каардынацыйнай рады Паўлам Латушкам.

«У сувязі з інфармацыяй некаторых афіцыйных беларускіх СМІ аб нібыта незаконных дзеяннях амбасады Польшчы ў Менску з мэтай перавозкі Паўла Латушкі праз беларуска-польскую мяжу, польскае Міністэрства замежных спраў паведамляе, што такіх падзеяў не было.

Спадар Латушка прыехаў у Польшчу на запрашэньне арганізатараў Эканамічнага форуму ў Крыніцы. Ён перайшоў мяжу законна. У рамках візыту ў Польшчу ён мае намер правесьці шэраг сустрэч. Усе інсынуацыі адносна нібыта незаконнай дзейнасьці польскай дыпляматычнай місіі ў сувязі з гэтым нам незразумелыя і бессэнсоўныя.

Гэта спроба перакласьці адказнасьць на Польшчу за няздольнасьць беларускіх уладаў весці дыялёг са сваім грамадзтвам. Польшча нязьменна прытрымліваецца пазыцыі, што такі дыялёг — адзіны спосаб забясьпечыць стабільнае развіцьцё незалежнай, сувэрэннай, дэмакратычнай і квітнеючай Беларусі»,— піша на сваім сайце МЗС Польшчы.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG