Лінкі ўнівэрсальнага доступу

ДАІ затрымала 33-гадовага менчука, які пісаў на асфальце лічбу 3


Ілюстрацыйнае фота

Прэс-служба МУС паведаміла пра «кур'ёзны выпадак», які адбыўся 28 жніўня ў Савецкім раёне сталіцы. Патрульны нарад ДАІ зьвярнуў увагу на чалавека, які фарбай з балёнчыка размалёўваў праезную частку праспэкта Незалежнасьці.

На відэа МУС відаць, што мужчына выводзіў на дарозе лічбу 3.

Міліцыя паведамляе, што мужчына быў п’яны і неаднаразова раней прыцягваўся да адміністрацыйнай адказнасьці.

На яго склалі адміністрацыйныя пратаколы за дробнае хуліганства, парушэньне правілаў дарожнага руху пешаходам і непадпарадкаваньне міліцыі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG