Лінкі ўнівэрсальнага доступу

У менскіх ізалятарах на Акрэсьціна сьцьвярджаюць, што ў іх няма асуджанага лідэра страйкаму МТЗ Дылеўскага


Сяргей Дылеўскі, архіўнае фота

Да сябра прэзыдыюму Каардынацыйнай рады, лідэра страйкаму Менскага трактарнага заводу Сяргея Дылеўскага не пусьцілі адваката.

Паводле абаронцы, у цэнтры ізаляцыі правапарушальнікаў і ізалятары часовага ўтрыманьня кажуць, што ў іх няма такога чалавека.

Раней адвакат Яўген Маслаў паведаміў, што безвынікова схадзіў у турму на Акрэсьціна, дзе знаходзіцца сябра прэзыдыюму Каардынацыйнай рады Вольга Кавалькова. Яму не дазволілі сустрэцца з падабароннай, спаслаўшыся на складаную эпідэмічную сытууацыю.

Вольгу Кавалькову і Сяргея Дылеўскага затрымалі каля прахадной МТЗ 24 жніўня. На наступны дзень абодвух асудзілі на 10 дзён адміністрацыйнага арышту.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG