У тэлеграм-чаце прадпрыемства «Гродна Азот» зьявілася інфармацыя, што па дарозе ў цэнтар гораду затрымалі 28 супрацоўнікаў хімічнага гіганта.
Больш за сто чалавек, у тым ліку «азотаўцы», прыехалі пад ізалятар на вуліцы Гая, каб іх падтрымаць. Людзі скандуюць «Свабоду». Каля ізалятара стаіць аўтазак, дзяжураць супрацоўнікі ДАІ.
Работнікаў «Гродна Азот» сталі па адным выпускаць з ізалятара. Як паведаміў адзін з «азотаўцаў» Уладзімер, яны проста ішлі па горадзе з працы бязь лёзунгаў, безь сьцягоў.
Побач з Курганам славы каля іх спыніўся аўтобус з амапаўцамі, работнікаў затрымалі. На іх афармляюць адміністрацыйныя пратаколы за ўдзел у несанкцыянаваным масавым мерапрыемстве і нібыта ў недазволеным шэсьці па горадзе, за тое, што яны выказвалі незадаволенасьць вынікамі прэзыдэнцкіх выбараў.
Па вечарах у цэнтры Горадні адбываліся мірныя сходы пратэстоўцаў.
