Лінкі ўнівэрсальнага доступу

Звольнілі супрацоўніка МЗС, які выйшаў на пікет, каб выказаць нязгоду з гвалтам міліцыі ў Беларусі


Вячаслаў Казачонак і Алена Копанева

Супрацоўніка цэнтральнага апарату, начальніка гісторыка-архіўнага аддзяленьня МЗС Вячаслава Казачонка, які выйшаў тыдзень таму на пікет, звольнілі з замежнапалітычнага ведамства. Пра гэта ён сам расказаў Tut.by.

Звольнілі Вячаслава Казачонка па артыкуле 42 Працоўнага кодэксу «ў сувязі з грубым парушэньнем сваіх працоўных абавязкаў».

Як стала вядома TUT.BY ад сваіх крыніц, намесьнік начальніка ўпраўленьня эўразійскай інтэграцыі Алена Копанева, якая выйшла падтрымаць Казачонка на пікеце, таксама больш не працуе ў МЗС.

Вячаслаў Казачонак 17 жніўня выйшаў на адзіночны пікет на прыступкі будынку МЗС. Да яго далучылася намесьніца начальніка ўпраўленьня эўразійскай інтэграцыі Алена Копанева. Пікетам зь белымі пустымі лістамі ў руках супрацоўнікі МЗС хацелі «выказаць сваю прынцыповую пазыцыю» па сытуацыі ў Беларусі. Вячаслаў Казачонак прызнаўся, што праз тое, што адбываецца, яму страшна за будучыню, жыцьцё людзей, сваё жыцьцё.

Пра намер выйсьці на пікет Вячаслаў Казачонак папярэдзіў калегаў у МЗС, і за гадзіну да пікету кіраўнік міністэрства Ўладзімер Макей сабраў супрацоўнікаў на размову, нагадаў, што супрацоўнікі МЗС «давалі прысягу дзяржаве», і, з словаў Казачонка, намякнуў, што калі хтосьці ня згодны з палітыкай дзяржавы, ён павінен напісаць заяву.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG