У цэнтры Менску на радыёвежы, што знаходзіцца на вуліцы Залатая Горка, залуналі два бел-чырвона-белыя сьцягі.
Гэтая вежа ў народзе здаўна атрымала назву «глушылка», бо раней, у часы СССР, сыгнал зь яе перабіваў замежныя радыёстанцыі.
За спробу яе падарваць у пачатку 1960-х на 10 гадоў быў асуджаны савецкі дысыдэнт Сяргей Ханжанкоў.
За савецкім часам на камуністычныя сьвяты на вежы вывешвалі сьцягі СССР і БССР, гэтак рабілася і на 9 траўня ў Беларусі часоў прэзыдэнцтва Лукашэнкі.