А 14-й гадзіне каля Дому ўраду ў Менску заплянаваны чарговы мітынг прыхільнікаў пераменаў, якія заклікаюць да спыненьня гвалту з боку сілавых структур, вызваленьня палітвязьняў і новых прэзыдэнцкіх выбараў.
Акцыя атрымала назву «Марш новай Беларусі».
Пачынаючы з паўдня, з розных раёнаў гораду сюды ідуць калёны пад нацыянальнымі бел-чырвона-белымі сьцягамі, у іх тысячы чалавек. У тым ліку людзі рушылі ад заводаў — МЗКЦ і МТЗ.
У цэнтар сталіцы таксама высунуліся сілы АМАП, вадамёты і аўтазакі. Амапаўцы са шчытамі стаяць ля Дому ўраду. Сьведкі зьнялі і падзяліліся ў сацсетках відэа дзясяткаў машын зь сілавікамі ў цэнтры.
На ўездах у Менск стаяць пасты міліцыі. Праўладныя актывісты машынамі і аўтобусамі рушылі ад выезду са сталіцы ў бок праспэкту Дзяржынскага.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў