Партал Tut.by паразмаўляў з жыхаркай Берасьця, стаматолягам Вольгай Рыбаковай.
Вечарам 10 жніўня яна стала сьведкай затрыманьня сілавікамі маладога чалавека і пабачыла, як ударылі жанчыну.
З балькона на чацьвёртым паверсе яна запатрабавала спыніць гвалт, а сілавікі з вуліцы ў яе стрэлілі гумовай куляй.
Вольга кажа: думала, ад гумовых куляў бываюць толькі сінякі. Але пабачыла кроў — куля трапіла ў жывот, яна заціснула рану кулаком.
Мэдыкі наклалі павязку, паставілі кропельніцу, забралі ў лякарню, праапэравалі ў тую ж ноч. Сказалі, што ёй пашанцавала, жыцьцёва важныя органы не зачапіла, але засталася адкрытая рана, мае прайсьці яшчэ адна апэрацыя.
Жанчына ўжо зьвярнулася ў Сьледчы камітэт з патрабаваньнем правесьці праверку і пакараць вінаватых.
