Лінкі ўнівэрсальнага доступу

Берасьцейцы нясуць кветкі на месца гібелі Генадзя Шутава. ФОТА


Месца гібелі берасьцейца Генадзя Шутава

У Берасьці зьявіўся стыхійны мэмарыял памяці Генадзя Шутава, які 11 жніўня атрымаў ад сілавікоў агнястрэльнае раненьне ў галаву, ад якога 19 жніўня памёр, піша Tut.by.

Генадзь Шутаў памёр раніцай 19 жніўня ў Менскім вайсковым шпіталі.

«У бацьку стралялі са сьпіны ва ўпор; чалавек, які страляў, быў ззаду яго. Быў вельмі моцна пашкоджаны галаўны мозг, моцны крывацёк, раздрабненьне костак», — расказала Свабодзе дачка загінулага Наста.

Сёньня берасьцейцы нясуць на месца трагедыі на вуліцы Маскоўскай кветкі і лямпадкі.

Афіцыйна гэта трэці выпадак гібелі пратэстоўца пры здушэньні пасьлявыбарчых пратэстаў і першы ад агнястрэльнай зброі.

Раней улады прызналі два выпадкі сьмерці: 34-гадовага Аляксандра Тарайкоўскага ў Менску і 25-гадовага Аляксандра Віхора ў Гомлі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG