Лінкі ўнівэрсальнага доступу

Сьледчы камітэт апісаў абставіны забойства берасьцейца падчас акцыі пратэсту


Ілюстрацыйнае фота

Паводле сьледзтва, берасьцеец разам зь іншым мужчынам напалі на праваахоўнікаў, білі іх мэталічнай трубой, а таксама спрабавалі забраць зброю.

Адзін з праваахоўнікаў, апасаючыся за сваё жыцьцё, стрэліў нападніку ў плячо, але паколькі той супраціўляўся, «ненаўмысна параніў яго ў вобласьць галавы».

Параненага даставілі ў шпіталь, дзе 19 жніўня ён памёр. Сьледчыя абяцаюць даць «прававую ацэнку» дзеяньням нападнікаў і правамернасьці ўжываньня зброі.

Прозьвішча забітага СК не называе, але, мяркуючы па ўсім, гаворка ідзе пра 44-гадовага берасьцейца Генадзя Шутава. Здарэньне адбылося 11 жніўня.

Дачка Шутава Наста расказала Свабодзе пра сьмерць бацькі: «Ён патэлефанаваў, што едзе дахаты, і з таго часу мы яго шукалі два дні і не маглі знайсьці. Яго тэлефон быў недаступны... У бацьку стралялі са сьпіны ва ўпор, чалавек, які страляў, быў ззаду яго. Быў вельмі моцна пашкоджаны галаўны мозг, моцны крывацёк, раздрабненьне костак».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG