Лукашэнка агучыў выніковыя рашэньні пасяджэньня Савету бясьпекі, у якім па відэасувязі ўзялі ўдзел і кіраўнікі рэгіёнаў. Разгорнуты варыянт прыводзіць агенцтва Белта.
- Памежнаму камітэту: узмацніць ахову мяжы па ўсім пэрымэтры, каб не дапусьціць у Беларусь баевікоў, зброі, боепрыпасаў, грошай для фінансаваньня беспарадкаў.
- Мінабароны: сачыць за перамяшчэньнем войскаў NATO на тэрыторыі Польшчы і Літвы.
- МУС: «У Менску не павінна быць больш ніякіх беспарадкаў». Абараніць працоўныя калектывы ад шальмаваньня і пагроз вуліцы.
- КДБ: выяўляць і спыняць дзеяньні арганізатараў вулічных беспарадкаў, выкрываць каналы фінансаваньня беспарадкаў у Беларусі.
- МЗС: давесьці кіраўнікам заходніх дзяржаў інфармацыю пра сытуацыю ў Беларусі.
- СМІ: расказваць, што праграмы «чорнай сотні» — шлях у прорву да зьнішчэньня Беларусі.
- Ураду: функцыянаваньне прадпрыемстваў.
