Лінкі ўнівэрсальнага доступу

Ужо сёньня: гадавіна путчу 1991 году, калі прэзыдэнта СССР адхілілі ад улады


РСФСР Барыс Ельцын заклікае да ўсеагульнай акцыі пратэсту супраць путчу каля будынку Вярхоўнага Савету РСФСР (Белага Дому)
РСФСР Барыс Ельцын заклікае да ўсеагульнай акцыі пратэсту супраць путчу каля будынку Вярхоўнага Савету РСФСР (Белага Дому)

Падзеі 19 жніўня ў беларускай і сусьветнай гісторыі.

Дата дня

19 жніўня 1991 году ў Маскве адбылася спроба дзяржаўнага перавароту ў СССР: змоўнікі (так званы ГКЧП) адхілілі ад улады прэзыдэнта Міхаіла Гарбачова і заявілі аб увядзеньні надзвычайнага становішча.

У Менску дэпутаты Апазыцыі БНФ прынялі заяву з асуджэньнем путчу, патрабаваньнем скліканьня нечарговай сэсіі Вярхоўнага Савету. Увечары на плошчы перад Домам ураду Беларускі Народны Фронт правёў мітынг пратэсту.

Што вы ведаеце пра ГКЧП? Праверце сябе

Таксама ў гэты дзень

1562 — пад Невелем аддзел войскаў ВКЛ на чале з гетманам Мікалаем Радзівілам Рудым разьбіў маскоўскае войска на чале з Андрэем Курбскім.

1587 — Жыгімонт Ваза стаў вялікім князем літоўскім. Перад гэтым яго прагналі са швэдзкага пасаду тамтэйшымі пратэстантамі. У беларускую гісторыю Жыгімонт Ваза ўвайшоў тым, што садзейнічаў Берасьцейскай царкоўнай уніі і адваяваў у Расеі Смаленшчыну.

1888 — у Бэльгіі прайшоў першы ў сьвеце конкурс прыгажосьці.

1925 — у Вільні пачалося выданьне газэты «Жыцьцё Беларуса».

1989 — прэзыдэнт Польшчы Войцех Ярузэльскі прызначыў прэмʼер-міністрам сябра «Салідарнасьці» Тадэвуша Мазавецкага.

У гэты дзень нарадзіліся

1831 – Зыгмунт Чаховіч, удзельнік паўстаньня 1863-1864 гадоў.

1883 – Габрыэль «Како» Шанэль, француская куцюр’е і заканадаўца моды.

Како Шанэль, здымак 1920 году
Како Шанэль, здымак 1920 году

1893 — Баляслаў Слосканс, каталіцкі біскуп, рэлігійны і грамадзкі дзеяч беларускага замежжа.

1896 — Жан Піяжэ, швэйцарскі псыхоляг.

1912 — Барыс Мікуліч, беларускі пісьменьнік.

У памяці

1662 — памёр Блез Паскаль, францускі навуковец.

1819 — памёр Джэймс Ват, шатляндзкі інжынэр, вынаходнік-мэханік.

1929 — памёр Сяргей Дзягілеў, расейскі мастацкі і тэатральны дзеяч.

1936 — памёр Фэдэрыка Гарсія Лорка, гішпанскі паэт і драматург.

1977 — памёр Аркадзь Маўзон, беларускі драматург.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG