Урад Швэцыі вырашыў замарозіць частку дапамогі Беларусі, якая ідзе на праекты, дзе дзяржаўныя субʼекты займаюць актыўную ролю. Пра гэта міністар дапамогі разьвіцьцю Пітэр Эрыксан напісаў у сваім Твітары.
«Дапамога Швэцыі Беларусі ў асноўным была накіравана грамадзянскай супольнасьці краіны, тым, хто цяпер знаходзіцца на вуліцы і патрабуе зьмен. Зараз мы замарожваем меншую частку, якая ішла на праекты, у якіх бралі ўдзел дзяржаўныя субʼекты». – патлумачыў міністар.
Паводле яго, гэта «важны сыгнал» для рэжыму.
«Цяпер мы бачым рэжым, які без ваганьняў выкарыстоўвае ўсе дзяржаўныя інструмэнты ў адносінах да ўласнага насельніцтва», – дадаў Эрыксан.
