Лінкі ўнівэрсальнага доступу

На БелАЗе рабочых зачыняюць у цэхах і не даюць сабрацца на нараду


Сустрэча кіраўніка Жодзіна з работнікамі БелАЗу, 13 жніўня.
Сустрэча кіраўніка Жодзіна з работнікамі БелАЗу, 13 жніўня.

Як расказалі працоўныя прадпрыемства карэспандэнту Свабоды, 17 жніўня яны хацелі сабрацца на агульны сход, каб сфармуляваць патрабаваньні і звярнуцца да кіраўніцтва заводу.

У адказ на гэта начальнікі падраздзяленняў пачалі зачыняць цэхі.

Рабочы з экспэрымэнтальнага цэху Аляксандар Смольскі расказаў, што а 12-й гадзіне на БелАЗе пачаўся абедзенны перапынак, і людзі, у якіх ёсць магчымасьць, сабраліся каля будынку заводакіраўніцтва. Агулам каля 200 чалавек, але рабочыя яшчэ падцягваюцца.

«Людзі цяпер стаяць, выкрыкваюць лозунгі «Лукашэнка, сыходзь!», — кажа Аляксандар. Ці сапраўды рабочых зачыняюць у цэхах, наш суразмоўца пацьвердзіць не змог. Людзі з экспэрыментальнага цэху, дзе ён працуе, маглі спакойна выйсці, бо, паводле Аляксандра, у іх ляяльны начальнік.

«Мы сабралі сход, мы не працуем і не зьбіраемся; дэ-факта мы бастуем, але дэ-юрэ гэта сход, на які мы маем права паводле калектыўнай дамовы», — кажа Аляксандар.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG