Падзеі 14 жніўня ў беларускай і сусьветнай гісторыі.
Дата дня
14 жніўня 1385 году была заключаная Крэўская ўнія, дамова пра саюз Вялікага Княства Літоўскага і Польскага Каралеўства, праз шлюб вялікага князя Ягайлы і каралевы Ядзьвігі.
Таксама ў гэты дзень
1919 — у Менску заснавалі Таварыства дзеячоў мастацтва.
1980 ― у Польшчы пачаўся страйк на чале зь Лехам Валэнсам, у выніку якога паўстаў незалежны прафсаюз «Салідарнасьць».
2008 ― Грузія абвясьціла пра выхад з СНД.
У гэты дзень нарадзіліся
1816 — Мацьвей Лявiцкi, фiлёзаф-дэмакрат, асьветнiк i публiцыст.
1842 — Уладзімер Кавалеўскі, прыродазнаўца, адзін з заснавальнікаў эвалюцыйнай палеанталёгіі, удзельнік паўстаньня 1863–1864 гг.
У памяці
1941 — памёр Максімільян Кольбэ, польскі сьвятар-францысканец і сьвяты пакутнік, які загінуў у Асьвенціме, добраахвотна пайшоўшы на сьмерць дзеля выратаваньня таварыша.
1956 — памёр Бэртальд Брэхт, нямецкі пісьменьнік, паэт, драматург.
2004 — памёр Чэслаў Мілаш, польскі паэт і пісьменьнік, ляўрэат Нобэлеўскай прэміі ў літаратуры (1980).
2018 — памёр расейскі пісьменьнік Эдуард Усьпенскі. Першую кнігу пісьменьніка «Дзядзя Фёдар, сабака і кот» апублікавалі ў 1974 годзе. Усьпенскі пачынаў пісьменьніцкую кар’еру як аўтар-гумарыст, працаваў у тэатры і на тэлевізіі. Творы аўтара пераклалі на 25 моваў.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў