Лінкі ўнівэрсальнага доступу

Дзяржаўны сакратар ЗША Майкл Пампэо: выбары ў Беларусі не былі свабоднымі і справядлівымі


Дзяржаўны сакратар ЗША Майкл Пампэо

10 жніўня Дзяржаўны дэпартамэнт ЗША выпусьціў для неадкладнага распаўсюду заяву дзяржаўнага сакратара Майкла Пампэо аб прэзыдэнцкіх выбарах у Беларусі.

У заяве сказана:

«Злучаныя Штаты глыбока занепакоеныя правядзеньнем у Беларусі 9 жніўня прэзыдэнцкіх выбараў, якія не былі свабоднымі і справядлівымі. Рэзкае абмежаваньне доступу да галасаваньня за кандыдатаў, забарона прысутнасьці мясцовых незалежных назіральнікаў на выбарчых участках, тактыка запалохваньня супраць апазыцыйных кандыдатаў і затрыманьні мірных пратэстоўцаў і журналістаў пашкодзілі гэтаму працэсу. Мы шкадуем, што назіральнікі АБСЭ / БДІПЧ не атрымалі своечасовага запрашэньня сачыць за галасаваньнем. Свабодныя і сумленныя, сапраўды канкурэнтныя выбары — аснова аўтарытэтнасьці і легітымнасьці ўсіх уладаў.

Мы заклікаем улады Беларусі паважаць правы ўсіх беларусаў на ўдзел у мірных сходах, устрымлівацца ад ужываньня сілы і вызваліць незаконна затрыманых. Мы рашуча асуджаем няспынны гвалт над пратэстоўцамі і затрыманьне прыхільнікаў апазыцыі, а таксама адключэньне Інтэрнэту, з мэтай абмежаваць магчымасьці беларускага народу абменьвацца інфармацыяй пра выбары і дэманстрацыі.

Будучы сябрамі Беларусі, мы падтрымліваем беларускую незалежнасьць і сувэрэнітэт, а таксама імкненьні беларускага народу да дэмакратычнай, квітнеючай будучыні. Для дасягненьня гэтых мэтаў улады Беларусі павінны даказаць дзеяньнямі сваю прыхільнасьць да дэмакратычных працэсаў і павагу да правоў чалавека».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG