Лінкі ўнівэрсальнага доступу

«Абрыдла баяцца». Грыбалёва, Хаменка, вакаліст «Харлі» і іншыя запісалі песьню-зварот да беларусаў


На YouTube адбылася прэм’ера песьні-звароту да беларусаў «Слухай праўду». У здымках кліпу прынялі ўдзел шэраг вядомых беларускіх музыкаў.

«Усе ішлі з задавальненьнем. Усе ўсё разумеюць, што трэба нешта рабіць, што хочацца пераменаў». — расказаў Свабодзе Яўген Чалышаў, лідэр гурту «Харлі», які прыняў удзел у праекце.

Песьню «Слухай праўду» выконваюць Ларыса Грыбалёва, Андрэй Маркуц, Вікторыя Расолька, Рыгор Лайкоў, Алег Хаменка, Тацьцяна Булаўкіна, аўтарка словаў і згаданы ўжо Яўген Чалышаў, які апрача сьпеву, заняўся і студыйнай вытворчасьцю.

«Калі я пачуў песьню, пачытаў тэкст, то зразумеў, што мушу ў гэтым паўдзельнічаць. Мне здаецца, што там вельмі выразная грамадзянская пазыцыя кожнага з нас. У ёй выказаная нашая душа і пазыцыя, а таксама маё асабістае стаўленьне да той свабоды, якую хацелася б нарэшце ўбачыць і здабыць», — расказвае Яўген.

Тэкст песьні Тацьцяна Булаўкіна напісала амаль 2 гады таму, менавіта яна і стала ініцыятаркай запісу. У песьні сьпяваецца пра тое, што «толькі слабы баіцца зьмены», гучыць заклік «сьмялей шукаць да шчасьця шлях», жыць не знарок«, «не губляць надзею», «мацней трымацца меры» і «заціснуць у нэрвах жах перамен

Яўген Чалышаў
Яўген Чалышаў

«Скажу шчыра: ужо абрыдла баяцца, — працягвае Яўген Чалышаў. — Па-першае, мы не разумеем, чаго мы баімся. Баімся кагосьці зьверху, што патэлефануе нехта з аддзелу ідэалёгіі і пачне чытаць мараль, або што цябе здымуць з канцэрту. Колькі ўжо можна. Ва ўсяго ёсьць нейкая мера і чаша цярпеньня ў многіх перапоўненая. Страх прыгнятае, выядае знутры. Лепш я выкажуся, а потым хай будзе тое, што будзе».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG