Лінкі ўнівэрсальнага доступу

Украінцы і беларусы — лідэры ў колькасьці відаў на жыхарства ў Польшчы


Акцыя салідарнасьці зь Беларусьсю ў Кракаве

Колькасьць іншаземцаў у Польшчы, у якіх ёсьць від на жыхарства, перавысіла 450 тысяч чалавек. Абсалютнымі лідэрамі ў гэтым паказьніку ўкраінцы, беларусы — на другім месцы.

Згодна са статыстыкай польскага нацыянальнай Управы ў справах іншаземцаў, за першае паўгодзьдзе было выдадзена 27 тысяч відаў на жыхарства ў Польшчы. Больш за ўсё атрымалі дазволаў украінцы — 22 тысячы. Беларусаў у гэтым пераліку амаль у 10 разоў меней — 2,4 тысячы. Далей ідуць грузіны (1,5 тысячы), малдаване (700), туркі (300).

Агулам польскі від на жыхарства маюць 237 тысяч украінцаў, 28 тысяч беларусаў, 20 тысяч немцаў, 12 тысяч расейцаў. Таксама тут значацца грамадзяне Віетнаму, Індыі, Італіі, Кітаю, Вялікай Брытаніі ды іншыя.

Найбольшая колькасьць іншаземцаў маюць часовы від на жыхарства, які выдаецца максымум на 3 гады. Такіх 267 тысяч.

Самым папулярным у іншаземцаў стала Мазавецкае ваяводзтва з цэнтрам у Варшаве, дзе аселі блізу 120 тысяч замежных грамадзян, а таксама Малапольскае ваяводства з цэнтрам у Кракаве — тут жыве больш за 50 тысяч іншаземцаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG