Лінкі ўнівэрсальнага доступу

У сталіцы Баўгарыі амаль два тыдні адбываюцца масавыя пратэсты


Пратэсты ў Сафіі.

Дэманстранты прайшлі шэсьцем па Сафіі, патрабуючы адстаўкі прэм’ер-міністра Бойка Барысава пасьля таго, як парлямэнт адхіліў вотум недаверу ўраду.

Пратэсты доўжацца 13-ы дзень, паведамляе Deutsche Welle.

Масавыя пратэсты ў Баўгарыі працягнуліся ў аўторак, 21 ліпеня, пасьля таго як парлямэнт адхіліў вотум недаверу ўраду прэмʼер-міністра Бойкі Барысава. Дэманстранты сталі зьбірацца перад будынкам адміністрацыі прэзыдэнта пад дэвізам «Мы — сапраўдны вотум недаверу». У акцыі ўзялі ўдзел некалькі сотняў чалавек.

Яны прайшлі шэсьцем па Сафіі, патрабуючы адстаўкі ўраду і галоўнага пракурора Баўгарыі, а таксама правядзеньня новых выбараў. Пратэстоўцы часова блякавалі транспартны рух у цэнтры баўгарскай сталіцы.

Акцыі пратэсту ідуць у Баўгарыі ўжо 13-ы дзень. Дэманстрантаў, якія абвінавачваюць кіроўную нацыянальна-кансэрватыўную кааліцыю ў карупцыі, сувязях з алігархамі і «дзеяньнях мафіёзнага характару», падтрымліваюць прэзыдэнт Радэў і апазыцыйная сацыялістычная партыя, якая і вынесла пытаньне аб вотуме недаверу на галасаваньне.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG